ಪುಟಗಳು

ಆಟೊ ಚಾಲಕರ ಕಿರುಕುಳಕ್ಕೆ sms ನಿಂದ ಮುಕ್ತಿ

ಬೆಂಗಳೂರು, ಜುಲೈ 30: ಆಟೊರಿಕ್ಷಾ ಚಾಲಕನ ಕಿರಿಕಿರಿ ಮಿತಿಮೀರಿ ಆತನ ವಿರುದ್ಧ ದೂರು ದಾಖಲಿಸಲು ಆಲೋಚಿಸುತ್ತಿದ್ದೀರಾ!? ಹೇಳಿದ ಕಡೆ ಬರಲು ಆಟೊ ಚಾಲಕ ನಿರಾಕರಿಸಿದರೆ ಅಥವಾ ಹೆಚ್ಚು ಹಣ ಕೇಳಿದರೆ ಇನ್ನು ಮುಂದೆ ನೀವು ಎಸ್‌ಎಂಎಸ್ ಮೊರೆಹೋಗಬಹುದು.

ಇಂತಹ ಹೊಸ ಯೋಜನೆಯನ್ನು ಬೆಂಗಳೂರು ನಗರ ಸಂಚಾರ ಪೊಲೀಸರು ಜಾರಿಗೆ ತಂದಿದ್ದಾರೆ. ಪಾರ್ಕಿಂಗ್ ಸ್ಥಳ, ವಾಹನದ ಮಾಲೀಕತ್ವದ ಮಾಹಿತಿ ಮತ್ತು ಬಾಕಿ ಇರುವ ಪ್ರಕರಣಗಳನ್ನು ಎಸ್‌ಎಂಎಸ್ ಕಳುಹಿಸುವ ಮೂಲಕ ತಿಳಿಯಬಹುದು. ಆಟೊ ಚಾಲಕ ನೀವು ಹೇಳಿದ ಸ್ಥಳಕ್ಕೆ ಬರಲು ನಿರಾಕರಿಸಿದರೆ ಆಟೊ ಸ್ಪೇಸ್ ಆರ್ಇಎಫ್ ಸ್ಪೇಸ್ ಆಟೊ ನೋಂದಣಿ ಸಂಖ್ಯೆ ಸ್ಪೇಸ್, ಸ್ಥಳ ಸ್ಪೇಸ್ ಸಮಯವನ್ನು ಟೈಪ್ ಮಾಡಿ 52225 ಸಂಖ್ಯೆಗೆ ಕಳುಹಿಸಬೇಕು.

ಉದಾಹರಣೆಗೆ AUTO REF KA01XY4321 BASAVANAGUDI TO KORAMANGALA 6 PM ಎಂದು ಟೈಪ್ ಮಾಡಿ 52225ಕ್ಕೆ ಕಳುಹಿಸಬೇಕು.

ಇದೇ ರೀತಿ ಅಧಿಕ ಬಾಡಿಗೆ ಕೇಳಿದರೆ AUTO OVR KA01XY4321 BASAVANAGUDI TO KORAMANGALA 6 PM ಎಂದು ಟೈಪ್ ಮಾಡಿ 52225ಕ್ಕೆ ಕಳುಹಿಸಬೇಕು.

ಸಂಚಾರ ನಿಯಮ ಉಲ್ಲಂಘನೆ ಪ್ರಕರಣಗಳ ಮಾಹಿತಿ ಪಡೆಯಬಹುದು. ಉದಾಹರಣೆಗೆ BTIS FINE KA01XY4321 ಎಂದು ಟೈಪ್ ಮಾಡಿ 52225ಗೆ ಕಳುಹಿಸಿದರೆ ನೀವು ದಂಡ ಬಾಕಿ ಉಳಿಸಿಕೊಂಡಿದ್ದರೆ ಆ ಬಗ್ಗೆ ಮಾಹಿತಿ ಬರುತ್ತದೆ.
English summary
If you hail an autorickshaw in Bangalore but the driver shakes his head in disagreement to your choice of place or bargains with you about the fare, keep your mobile phone ready. SMS to 52225.

ಗಂಡಸರೇ ಹುಷಾರು..

ವಿಶ್ವಕಪ್ ಕ್ರಿಕೆಟ್ ಹಂಗಾಮ

ಪೇಸ್ ಬುಕ್ ಉಪೇಂದ್ರ

ಸೋನಿಯಾಳ ದೊಂಬರಾಟ..

ಮುಂಗಾರು ಮಳೆ ಸಿದ್ರಾಮಣ್ಣ

ನೀವು ಸುಪರೋ ಅಣ್ಣಾ

ಅಮೇರಿಕಾದಲ್ಲಿ " ಹುಡುಗುರು

ಸಮ್ಮೋಹ ಮಾಡಿ ಸಂಭೋಗಿಸಿದ ಹಜರತ್ ಬಾಬಾಗೆ ಗೂಸಾ

ನಾಗಪುರ, ಜುಲೈ25: ನನಗೊಂದು ಮದುವೆ ಮಾಡಿಸಿಕೊಡಿ ಎಂದು ಅಲವತ್ತುಕೊಂಡಿದ್ದ 32 ವರ್ಷದ ಯುವತಿಯ ಮೇಲೆ ಅತ್ಯಾಚಾರವೆಸಗಿ, ಸುಲಿಗೆ ಮಾಡಿದ ಆರೋಪದ ಮೇಲೆ 52 ವರ್ಷದ ಹಜರತ್ ಬಾಬಾವೊಬ್ಬನನ್ನು ಬಂಧಿಸಿಲಾಗಿದೆ. ವಿಷಯ ತಿಳಿಯುತ್ತಿದ್ದಂತೆ ಯುವತಿ ವಾಸವಾಗಿದ್ದ ಮಾಮಿನಪುರ ಬಡಾವಣೆಯ ನಿವಾಸಿಗಳು ಹಜರತ್ ಬಾಬಾನನ್ನು ದರದರನೆ ಹೊರಗೆಳೆದು, ಮನಸಾರೆ ಬಡಿದಿರುವ ಘಟನೆ ಗುರುವಾರ ರಾತ್ರಿ ನಡೆದಿದೆ.

ಆರೋಪಿ ಹಜರತ್ ಮೊಹಮದ್ ವಲೀವುಲ್ಲಾ ಸಮೀರುಲ್ಲಾ ಸಹ ಇದೇ ಬಡಾವಣೆಯವನು. ಹೆಂಗೆಳೆಯರಿಂದ ಗೂಸಾ ತಿಂದು ಮೇಯೊ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ. ಬಾಧಿತ ಯುವತಿ 11 ಮಕ್ಕಳ ಪೈಕಿ ಕೊನೆಯವಳು. ಅವಳ ಅಪ್ಪ-ಅಮ್ಮ ಎಷ್ಟೂ ಗಂಡುಗಳನ್ನು ನೋಡಿದರೂ ಯಾವುದೂ ಬರಕತ್ತಾಗಲಿಲ್ಲ. ಇದರಿಂದ ಬೇಸತ್ತ ಯುವತಿ ಜೂನ್ ಮೊದಲ ವಾರದಲ್ಲಿ ಬಾಬಾ ಬಳಿ ತನ್ನ ಗೋಳನ್ನು ನಿವೇದಿಸಿಕೊಂಡಳು.

ಬಾಬಾ, ರಾತ್ರಿ ವೇಳೆ ಮನೆಗೆ ಬರುವಂತೆ ಯುವತಿಗೆ ಪುಸಲಾಯಿಸಿದ. ಅಲ್ಲಿ ಒಂದಷ್ಟು ಮಂತ್ರಗಳನ್ನು ಹೇಳುತ್ತಾ ಯುವತಿಯ ಮೇಲೆ ಹಿಪ್ನಾಟಿಸಂ ಮಾಡಿ, ತನ್ನ ಕಾರ್ಯಾಚರಣೆಗೆ ಇಳಿದಿದ್ದ. ಯುವತಿಯು ಭೌತಿಕವಾಗಿ ಬಾಬಾ ವಶವಾದಳು. ಕೆಲವೊಂದು ಭಂಗಿಗಳಲ್ಲಿ ಫೋಟೋಗಳನ್ನೂ ತೆಗೆದಿದ್ದ. ಆ ಫೋಟೋಗಳನ್ನು ತೋರಿಸಿ, ನನ್ನನ್ನು ಬ್ಲ್ಯಾಕ್ ಮೇಲ್ ಮಾಡತೊಡಗಿದ್ದ. ಕೊನೆಗೆ ಅತ್ಯಾಚಾರವನ್ನೂ ಮಾಡಿದ ಎಂದು ಯುವತಿ ಪೊಲೀಸರಿಗೆ ದೂರು ಮೂಲಕ ತಿಳಿಸಿದ್ದಾಳೆ.

ಅಪಾಯವನ್ನರಿತ ಯುವತಿ ಘಟನೆಯ ಬಳಿಕ ಬಾಬಾನತ್ತ ಸುಳಿಯುವುದನ್ನು ಬಿಟ್ಟಳು. ಆದರೆ ಅವ ಫೋಟೋ ತೋರಿಸಿ, ಬೆದರಿಕೆಯೊಡ್ಡತೊಡಗಿದ. ಅಷ್ಟೇ ಅಲ್ಲ 30,000 ರುಪಾಯಿ ಹಣ ನಿಡುವಂತೆಯೂ ಪೀಡಿಸತೊಡಗಿದ. ಜತೆಗೆ, ಮದುವೆಗೆಂದು ತೆಗೆದಿರಿಸಿರುವ ಆಭರಣಗಳನ್ನೂ ಕೊಡುವಂತೆ ಕೇಳಿದ ಎಂದು ಯುವತಿ ದೂರಿನಲ್ಲಿ ತಿಳಿಸಿದ್ದಾಳೆ.

ಆದರೆ ಯುವತಿ ಇದ್ಯಾವುದಕ್ಕೂ ಬಗ್ಗಲಿಲ್ಲ. ಕೊನೆಗೆ ಮನೆಯವರಿಗೂ ಕಳೆದ ಗುರುವಾರ ವಿಷಯ ತಿಳಿಸಿದಳು. ನೆರೆಹೊರೆಯವರೂ ಜತೆಯಾಗಿ ಪೊಲೀಸರ ಸಹಾಯ ಪಡೆಯುವುದಕ್ಕೂ ಮುನ್ನ ಬಾಬಾ ಮನೆಗೆ ತೆರಳಿ, ಅವನಿಗೆ ಸರಿಯಾಗಿ ಗೂಸಾ ಕೊಟ್ಟರು. ಸ್ವಲ್ಪ ಸಮಯದ ನಂತರ ಬಂದ ಪೊಲೀಸರು ಬಾಬಾನನ್ನು ಆಸ್ಪತ್ರೆಗೆ ಸೇರಿಸಿ, ಅವನ ವಿರುದ್ಧ ಕೇಸು ದಾಖಲಿಸಿದ್ದಾರೆ

ಈ ಸುದ್ದಿ ಚಿತ್ರವನ್ನು ನೀವು ನೋಡದಿರುವುದೇ ಲೇಸು

ಬೆಂಗಳೂರು, ಜುಲೈ 5: ಈ ಸುಂದರ, ಸುಕೋಮಲ ನಗ್ನ ಯುವತಿಯ ಚಿತ್ರ ಜಗತ್ತಿನಾದ್ಯಂತ ಇಂಟರ್ನೆಟ್‌ ನೋಡುಗರನ್ನು ಭಾವೋದ್ರಕಗೊಳಿಸುತ್ತಿದೆ. ಈ ರೋಮಾಂಚನ ಸೋಂಕಿನಂತೆ ಹಬ್ಬುತ್ತಿದೆ.

ಮೊದಲ ಏಟಿಗೆ ಅಲ್ಲಲ್ಲ ನೋಟಕ್ಕೆ ದಪ್ಪ ಮಹಿಳೆಯನ್ನು ಯುವತಿಯೊಬ್ಬಳು ಆಪ್ಯಾಯಮಾನದಿಂದ ಬಳಸಿಕೊಂಡು ನಿಂತಂತಿದೆ. ಅವಳ ಮಾನ ಮುಚ್ಚ. ಅದೆಂಗೆ ಅಷ್ಟು ಮಂದಿಯ ಮಧ್ಯೆ ನಗ್ನಳಾಗಿದ್ದಾಳೆ ಎಂದು ಮೂಗು ಮುರಿಯಬೇಡಿ. ದಿಟ್ಟ ಪೋಸ್ ನೀಡಿರುವ ಈ ಯುವತಿಯತ್ತ ಸ್ವಲ್ಪ ಸಾವಕಾಶವಾಗಿ ಮತ್ತೊಮ್ಮೆ, ಮಗದೊಮ್ಮೆ ದಿಟ್ಟಿಸಿ ನೋಡಿ. ಥತ್ ನಿಮ್ಮ... 'ಅದು' ಆಯಮ್ಮನ ನಗ್ನ ತೋಳು ಕಣ್ರಿ!

'ಆಕ್ವರ್ಡ್ ಮೊಮೆಂಟ್' ಎಂಬ ಅಡಿಬರಹದ ಈ ಚಿತ್ರ ಈಗಾಗಲೇ ಪಡ್ಡೆ ಹುಡುಗರ ಕೈಗೆ ಸಿಕ್ಕಿ ನಜ್ಜುಗೊಜ್ಜಾಗಿದೆ. ನೀವೂ ವಸಿ ನೋಡಿ ಆನಂದಿಸಿ. ಆದರೆ ಹೆಂಗೆಳೆಯರಿಗೆ ಒಂದು ಎಚ್ಚರಿಕೆ! ದಢೂತಿಯರ ಪಕ್ಕದಲ್ಲಿ ನಿಂತು ಪೋಸ್ ಕೊಡುವ ಮುನ್ನ ಯಾವ ಭಂಗಿಯಲ್ಲಿ ನಿಂತಿದ್ದೀರಿ ಎಂಬುದನ್ನು ಖಾತ್ರಿಪಡಿಸಿಕೊಳ್ಳಿ. ಅವರಿಗೆ ಎಲ್ಲೆಲ್ಲಿ ಟೈರುಗಳು ಬಂದಿರುತ್ತವೆ ಎಂದು ಹೇಳಲಾಗದು. ಇಲ್ಲವಾದಲ್ಲಿ, ಅನ್ಯಥಾ ಮುಜುಗರಂ ನಿಮ್ಮದಾಗುವುದುಂ...

ಇಷ್ಟಕ್ಕೂ ಅಯಮ್ಮ ಯಾರು? ಈ ಬಾಲೆ ಯಾಕಾಗಿ ಆ ದೊಡ್ಡಮ್ಮನ ಮೇಲೆ ಬಳ್ಳಿಯಂತೆ ಬಾಗಿ ನಿಂತಿದ್ದಾಳೆ? ಸಂದರ್ಭ ಏನು? ಎಂಬ ಪ್ರಶ್ನೆಗಳನ್ನು ಕೇಳುತ್ತಾ ಸಮಯ ಹಾಳು ಮಾಡಬೇಡಿ, ಹಾಗೇ ಸುಮ್ಮನೇ ನೋಡುತ್ತಾ ಎಂಜಾಯ್ ಮಾಡಿ!