ಢಾಕಾ, ಮೇ 31: ನಲವತ್ತರ ಆಸುಪಾಸಿನ ಆಂಟಿ ತನ್ನ ಮೇಲೆ ಅತ್ಯಾಚಾರಕ್ಕೆ ಯತ್ನಿಸಿದ ತನ್ನದೇ ವಯಸ್ಸಿನ ಅಂಕಲ್ ನ ಮರ್ಮಾಂಗವನ್ನು ಕಚಕ್ ಎಂದು ಕತ್ತರಿಸಿ, ಸಾಕ್ಷಿಯನ್ನಾಗಿ ಅದನ್ನು ಪೊಲೀಸರಿಗೆ ಒಪ್ಪಿಸಿದ್ದಾರೆ. ಅಂದಹಾಗೆ, ಪಾಪಿ ಅಂಕಲ್ ಗೆ ಮದುವೆಯಾಗಿದ್ದು ಬರೋಬ್ಬರಿ ಐದು ಮಕ್ಕಳಿವೆ. ಢಾಕಾ ಸಮೀಪದ ಊರಿನಲ್ಲಿ ಶನಿವಾರ ರಾತ್ರಿ ಈ ಘಟನೆ ನಡೆದಿದೆ. ಬಾಧಿತಳು ಮೂರು ಮಕ್ಕಳ ಮಹಾತಾಯಿ. ಈ ಮಹಿಳೆ ಮಲಗಿದ್ದಾಗ ಅವಯ್ಯ ರೇಪ್ ಮಾಡಲು ಯತ್ನಿಸಿದ್ದಾನೆ. ಸರಿಯಾಗಿ ಅದೇ ಕ್ಷಣದಲ್ಲಿ ಕೈಗೆ ಚಾಕು ತೆಗೆದುಕೊಂಡ ಆ ಮಹಿಳೆ ಅವಯ್ಯನ ಗುಪ್ತಾಂಗವನ್ನು ಕತ್ತರಿಸಿ, ಅದನ್ನು ಪ್ಲಾಸ್ಟಿಕ್ ಚೀಲದಲ್ಲಿ ಹಾಕಿಕೊಂಡು ಸೀದಾ ಪೊಲೀಸ್ ಠಾಣೆಗೆ ಹೋಗಿ ನಡೆದ ಘಟನೆಯನ್ನು ವಿವರಿಸಿದ್ದಾಳೆ. ಅವಯ್ಯ ಆರು ತಿಂಗಳಿಂದ ಪೀಡಿಸ್ತಾ ಇದ್ನಂತೆ. ಇದರಿಂದ ಬೇಸತ್ತ ಮಹಿಳೆ ಬಾಬ್ಬಿಟ್ ಮಾಡಿದ್ದಾಳೆ. ಅದನ್ನು ಕಳೆದುಕೊಂಡ ಅಂಕಲ್ ಸದ್ಯಕ್ಕೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಚೇತರಿಸಿಕೊಳ್ಳುತ್ತಿದ್ದಂತೆ ಬಂಧಿಸುವುದಾಗಿ ಝಲಕಾತಿ ಪೊಲೀಸರು ತಿಳಿಸಿದ್ದಾರೆ.
