• ವಾಯುಗುಣ ಬದಲಾವಣೆ
• ಸುಸ್ಥಿರ ಅಭಿವೃದ್ಧಿಗಾಗಿ ಜೀವಿವೈವಿಧ್ಯ
• ಬಾವಲಿಗಳು
• ಪ್ರಖ್ಯಾತ ಜೀವ ವಿಜ್ಞಾನಿಗಳು
• ಕೀಟಾಹಾರಿ ಸಸ್ಯಗಳು
• ಮರಗಳ ಪರಿಚಯ
• ಜೀವಿ ಸಂರಕ್ಷಣೆ
• ಪರಿಸರ ಪ್ರಯೋಗಗಳು
• ಗಟ್ಟಿಕಸ ನಿರ್ವಹಣೆ
• ಜೀವಿವೈವಿಧ್ಯ ನಮ್ಮ ಅಮೂಲ್ಯ ಸಂಪತ್ತು
• ಪರಿಸರಕ್ಕೊಂದು ಕಿಂಡಿ
• ಸಾಗರಕ್ಕೆ ಸಾವುಂಟೇ ?
• ಜೀವಿ ಹೇಗೆ ಹುಟ್ಟಿದರೇನಂತೆ ?
• ಜಲ ಕೃಷಿ
ಕರ್ನಾಟಕ ರಾಜ್ಯ ವಿಜ್ಞಾನ ಪರಿಷತ್ತು
ವಿಜ್ಞಾನಭವನ,
ನಂ.24/2 ಮತ್ತು 24/3, 21ನೇ ಮುಖ್ಯರಸ್ತೆ,ಬನಶಂಕರಿ 2ನೇ ಹಂತಬೆಂಗಳೂರು - 560 ೦೭೦
ಟೆಲಿಫ್ಯಾಕ್ಸ್ : 080 - ೨೬೭೧೮೯೫೯
ದೂರವಾಣಿ : 080 - ೨೬೭೧೮೯೩೯
ಇ-ಮೇಲ್ : krvp.info@gmail.ಕಂ
2003 ರಲ್ಲಿ ಪ್ರಕಟವಾಗಿದ್ದ ಈ ಪುಸ್ತಕದ ಪರಿಷ್ಕೃತ ಆವೃತ್ತಿ ಇದು. ಜೆಪಿ ಇನ್ನೂ ಬದುಕಿದ್ದಾಗ, ಅವರ ಸಂಪೂರ್ಣ ಕ್ರಾಂತಿಯ ಕಾವು ಇನ್ನೂ ಆರದಿದ್ದಾಗ, ದಿಲ್ಲಿಯಲ್ಲಿದ್ದ ಕಾರಣ ಅವರ ಚಳುವಳಿಯ ಸ್ವರೂಪವನ್ನು ಕಣ್ಣಾರೆ ಕಂಡು ಪ್ರಭಾವಿತರಾಗಿದ್ದ ಲೇಖಕರು ಇದೀಗ ಈ ಪುಸ್ತಕವನ್ನು ತಮ್ಮ ತಲೆಮಾರಿನವರು ಹಳೆಯ ನೆನಪುಗಳನ್ನು ಮೆಲುಕು ಹಾಕಲು, ತಮ್ಮ ಹೋರಾಟ-ಹಾರಾಟದ ದಿನಗಳನ್ನು ಪುನರ್ರಚಿಸಿಕೊಳ್ಳಲು ಹಾಗೂ ಈ ತಲೆಮಾರಿನವರು ತಮ್ಮ ಹಿಂದಿನ ತಲೆಮಾರಿನವರು ಒಂದು ರಾಷ್ಟ್ರವನ್ನು ಕಟ್ಟಲು ಏನೆಲ್ಲಾ ಆದರ್ಶಗಳನ್ನು ರೂಪಿಸಿಕೊಂಡಿದ್ದರು, ಮೌಲ್ಯಗಳನ್ನು ರೂಢಿಸಿಕೊಂಡಿದ್ದರು… ಮುಂತಾಗಿ ತಿಳಿಯಲು ಓದಬೇಕೆಂದು ಸೂಚಿಸುತ್ತಾರೆ.
ಖಂಡಿತಾ ಸರಿ. ಆದರೆ ಖಂಡತುಂಡ ವಾಕ್ಯಗಳ, ಸಂಕೀರ್ಣ ವಿಚಾರಗಳ ನಾಗಭೂಷಣ ಯಾಕೋ ಇಲ್ಲಿ sounds too much simpleton! ಆದರೂ ಪಾಶವೀ ಶಕ್ತಿಯೊಂದರ ಹಿಡಿತದಲ್ಲಿ ಇಡೀ ದೇಶವೇ ನಲುಗುತ್ತಿದ್ದಾಗ ತಮ್ಮ ಅತ್ಯಂತ ಸೌಮ್ಯ ರೂಪದಲ್ಲೇ ಅದಕ್ಕೊಂದು ಮುಕ್ತಿ ಕರುಣಿಸಿದ ಮಹಾನ್ ಚೇತನ ಜೆಪಿ ಯವರ ಕುರಿತು ಇಡೀ ಸಮುದಾಯಕ್ಕೇ ಇಂತಹುದೊಂದು ಭಕ್ತಿ-ಗೌರವಗಳಿರುವುದನ್ನು ಮರೆಯುವಂತಿಲ್ಲ. ಅತಂತ್ರ ವಿಧಾನಸಭೆಗಳ, ಅನೈತಿಕ ಮೈತ್ರಿಕೂಟ ಸರಕಾರಗಳ ಈ ಹೊತ್ತಿನಲ್ಲಿ ಅವರ `ಸಾಮಾಜಿಕ ಪುನರ್ರಚನೆ ಒಂದು ಭೌತವಾದಿ ತತ್ವಶಾಸ್ತ್ರದ ಸ್ಫೂರ್ತಿಯೊಂದಿಗೆ ಯಶಸ್ವಿಯಾಗಲಾರದು, ಅದಕ್ಕಾಗಿ ಭೌತೇತರವಾದವೊಂದರ ಅಗತ್ಯ ಇದೆ‘ ಎನ್ನುವ ವಿಚಾರ ನಿಲುಕಲಾರದಷ್ಟು ಎತ್ತರದಲ್ಲಿದೆ ಎನ್ನುವುದೂ ನಿಜ. ಇಷ್ಟಿದ್ದರೂ ಮತ್ತೊಬ್ಬ ಲೋಕನಾಯಕನ ಆಗಮನಕ್ಕಾಗಿ ಕಾಯುವುದನ್ನು ನಿಲ್ಲಿಸದಿರೋಣ.
ಶೀರ್ಷಿಕೆ : ಜಯಪ್ರಕಾಶ್ ನಾರಾಯಣ : ಒಂದು ಅಪೂರ್ಣ ಕ್ರಾಂತಿಯ ಕಥೆ
ಲೇಖಕರು : ಡಿ. ಎಸ್. ನಾಗಭೂಷಣ
ಪ್ರಕಾಶಕರು : ಅಭಿರುಚಿ ಪ್ರಕಾಶನ
ಪುಟಗಳು : 200 ಬೆಲೆ: ರೂ.120/-
ಕೃಪೆ : ವಿಜಯ ಕರ್ನಾಟಕ
ಇವು ಕಥೆಗಳಲ್ಲ. ವಾಸ್ತವ ಘಟನೆಗಳು ಎಂದು ಲೇಖಕರು ನೆನಪಿಸಿದ್ದಾರೆ. ಕಳೆದ 26 ವರ್ಷಗಳ ಕಾಲ ಪೋಲೀಸ್ ಅಧಿಕಾರಿಯಾಗಿ ಕೈಗೊಂಡ ತನಿಖೆಗಳಲ್ಲಿ ಯಶಸ್ವಿಯಾದವುಗಳನ್ನು ಸ್ವಾರಸ್ಯಕರವಾಗಿ ಪಾಲಾಕ್ಷಯ್ಯ ಇಲ್ಲಿ ಹೇಳಿಕೊಂಡು ಹೋಗಿದ್ದಾರೆ. ಹಾಗಾಗಿ ಇವು ಕತೆಯ ಸ್ವರೂಪವನ್ನೂ ಪಡೆದಿವೆ.
1981 ರಲ್ಲಿ ಪ್ರಕಟವಾದ ‘ಗಂಡುಗಲಿ ಮದಕರಿನಾಯಕ‘ ಕಾದಂಬರಿಯನ್ನು ಚಿತ್ರದುರ್ಗ ಸಾಹಿತ್ಯ ಸಮ್ಮೇಳನದ ನಿಮಿತ್ತ, ಮರುಮುದ್ರಣ ಮಾಡಿದ್ದಾರೆ. ಇದು ನಾಲ್ಕನೆಯ ಮುದ್ರಣ. ಸಾಹಿತ್ಯ ಸಮ್ಮೇಳನದಲ್ಲಿ ಈ ಕಾದಂಬರಿಯ 748 ಪ್ರತಿಗಳು ಮಾರಾಟವಾಗಿವೆ ಎನ್ನುತ್ತಾರೆ ಪ್ರಕಾಶಕರು.ದಲಿತ, ಬಂಡಾಯ, ಸಸ್ಪೆನ್ಸ್, ಪಾಲಿಟಿಕ್ಸ್, ಡೀಪ್ ಲವ್, ಐತಿಹಾಸಿಕ, ಕೌಟುಂಬಿಕ, ಸಂಗೀತ, ನೃತ್ಯ- ಯಾವ ಪ್ರಕಾರವನ್ನೇ ಆರಿಸಿಕೊಂಡರೂ ಅಧ್ಯಯನ ಮಾಡಿ ವಸ್ತುನಿಷ್ಟವಾಗಿಯೂ ಬರೆವ ವೇಣು ಯಾವುದೇ ಲೇಬಲ್ ಅಂಟಿಸಿಕೊಳ್ಳದ ಸೃಜನಶೀಲ ಬರಹಗಾರರು. ಐತಿಹಾಸಿಕ ಕಾದಂಬರಿಗಳ ಅವನತಿಯ ಕಾಲದಲ್ಲಿ ಓಯಸ್ಸಿಸ್ ನಂತೆ ದುರ್ಗದ ಇತಿಹಾಸ ಕುರಿತಂತೆ ಕೃತಿ ರಚನೆಗಿಳಿದು ‘ಜನಪ್ರಿಯತೆ ಮತ್ತು ಮೌಲ್ವಿಕತೆ ಬೇರೆ ಬೇರೆ ಎಂಬ ಅಭಿಪ್ರಾಯವನ್ನು ಹುಸಿಯಾಗಿಸಿ ಬೆಳೆದ ಲೇಖಕ‘ ಎಂಬ ಮೆಚ್ಚುಗೆಯ ಸಾಲುಗಳು ಈ ಲೇಖಕನ ಬಗ್ಗೆ ಮುನ್ನುಡಿಯಲ್ಲಿವೆ.ಈ ಕಾದಂಬರಿಯನ್ನು ಓದಬೇಕೆಂಬ ಆಸೆ ಹುಟ್ಟಿಸುವುದಕ್ಕೆ ಇಷ್ಟು ವಿವರಗಳು ಸಾಕಲ್ಲವೇ?
