ತಿರುಮಲ, ನ.24: ಅನಾಮಧೇಯ ಭಕ್ತನೊಬ್ಬ ಸುಮಾರು 160ಕ್ಕೂ ಅಧಿಕ ವಜ್ರಗಳನ್ನು ಕಲಿಯುಗ ದೈವ ಶ್ರೀವೆಂಕಟೇಶ್ವರ ಸ್ವಾಮಿ ಹುಂಡಿಯಲ್ಲಿ ಹಾಕಿ ಕೈ ಮುಗಿದು ಹೋಗಿದ್ದಾನೆ.
ಸುಮಾರು 1 ಕೋಟಿ ರೂ ಅಧಿಕ ರೂ ಬೆಲೆ ಬಾಳುವ ಈ ವಜ್ರಗಳು ತಿಮ್ಮಪ್ಪನ ಹುಂಡಿಯಲ್ಲಿ ಕಾಣಿಸಿದೆ. ನುಣುಪಾದ ಬ್ಯಾಗ್ ನಲ್ಲಿದ್ದ ಕಣ್ಣು ಕೋರೈಸುವ ವಜ್ರಗಳ ಬಗ್ಗೆ ಟಿಟಿಡಿ ಸಿಬ್ಬಂದಿ ಖಚಿತಪಡಿಸಿದ್ದಾರೆ.
ತಿರುಮಲ ತಿರುಪತಿ ದೇವಸ್ಥಾನಂ(ಟಿಟಿಡಿ)ಜಗತ್ತಿನ ಶ್ರೀಮಂತ ದೇಗುಲಗಳಲ್ಲಿ ಒಂದಾಗಿದೆ. ವಾರ್ಷಿಕವಾಗಿ ಸುಮಾರು 700ಕೋಟಿ ರೂ.ಗೂ ಅಧಿಕ ಆದಾಯವನ್ನು ಈ ದೇಗುಲ ಹೊಂದಿದೆ.
ತಿಮ್ಮಪ್ಪನಿಗೆ ವಜ್ರಗಳನ್ನು ಅರ್ಪಿಸಿದ ಭಕ್ತನ ಬಗ್ಗೆ ವಿವರಗಳು ಇನ್ನೂ ತಿಳಿದುಬಂದಿಲ್ಲ. ವಜ್ರಗಳ ನೈಜತೆ ಅಳೆಯುವ ಪ್ರಮಾಣ ಪತ್ರ ಕೂಡಾ ಆ ಬ್ಯಾಗ್ ನಲ್ಲಿತ್ತು ಎಂಬುದು ವಿಶೇಷ. ಬಹುಶಃ ಮಂಗಳವಾರ(ನ.22) ಈ ವಿಶೇಷ ಕಾಣಿಕೆಯನ್ನು ದೇವರಿಗೆ ಅರ್ಪಿಸುವ ಸಾಧ್ಯತೆಯಿದೆ ಎಂದು ಟಿಟಿಡಿ ಹೇಳಿದೆ.
